Kadoj o EU

27 thema andej khetanes ande Europicko unia, EU. O Shvedo phanglaspe ando EU o 1 januari 1995. EU-thema keren khetanes butji pe but ekonomiake thaj politikake pushimata.

EU-thema len angle zakonura save zhan pe sa le thema kaj si ande khetanes ando EU. Kana shonpe tele neve EU-zakonura, atunchi kadala lenpe majbutivar ando Europakoparlamento thaj ministerengegodjavera. Majsigo sarso sholpe e pechata pe zakonura, kerdaspe aba angla kado jekh chidipe e EU-themenca thaj vezetorenca ande Europakoparlamento kajso von aba shute tele sar thaj so te avel jekhvarenca.

Selduj anda Shvedicko regeringo thaj riksdagen andej ande butji te len angle thaj te nakhaven perdal EU-zakonura. Ando Shvedo kado si o regeringo, riksdagen thaj barerajenca khetanes te nakhen perdal e EU-zakonura.

Sar themeskonarodo ando Shvedo shaj te cicis EU-khetanimaski butji perdal e vezetora pe kaste o manush shutas pesko glaso kana zhal o alope pe riksdagen thaj po Europakoparlamento, vaj kodolesa te vazdaves varesoski vorba vaj gindo varesoske kavere dromesa. 

Chachimata sar EU-narodo

Kodo savo si narodo ande jekh EU-them si vi uniakonarodo ando EU, sarso phenelpe EU-narodo. Kado del dosta but chachimata. EU-medborgare shaj vi te

  • alon kodole politicharen save te beshen ande Europakoparlamento
  • phiravenpe puterdes vaj te keren butji vaj te studirin ande kavera EU-thema
  • te lel zhutipe pa kaver EU-themeski ambasada pe tradimata ande thema avral anda EU
  • te bishavelpe e-lil vaj lil ande EU:e instituciji pe varesi oficialno shib so si, sar vi shvedicka, thaj te lelpe palpale vorba pe chiri shib
  • te shaj les thaj te dikhes e EU:e zakonura thaj lila pe chiri korkoreski shib
  • te den opre kaj o EU:o ombudsmanush te gindis ke chi dine tut kodo chachipe so zhal khatar jekh kaver EU-institucia.

Kado kerel o EU

O Shvedo thaj e kaver EU-thema khetanes keren butji pa ekonomiake thaj politicka pushimata khote kaj von gindin ke khetanes shaj keren maj lashi butji sar korko penge. Ekonomiako bararipe, baro butjaripe thaj zuralo buxljaripe ande EU-thema khetanes, andrutne bikinimata si varesave anda resimata so kamen ande khetanimaskibutji.

Le fundoske zakonura pe EU-khetanibutji si teleiskirime lila, sarso phenelpe vezetimasko-lil. Ando vezetimasko-lil iskiril so o EU shaj shol tele thaj sar kado zhal. Vezetimasko-lil shaj phenelpe ke si sar jekh themesko fundoskozakono ande jekh them. Sakojekh EU-them line perdal o vezetimasko-lil thaj trobul te inkrel ande kado.

EU-thema khetanes keren butji pa

  • Bikinipe
  • Tajosko buxljaripe
  • Phuvakosantimaskozhutipe
  • Rodipe
  • Energia
  • Zelenimaskepushimata
  • Phagimaskoashajipe
  • Nashadengipolitika

Kado chi kerel o EU

EU-thema korkora parancholin pe dosta but pushimata, pe save o EU chi shon tele vorbi. Sar pe lovasloskato/inkomstskatt, nasvalengoinkeripe, shkoli, penziji thaj shavorengolov.