Bures boahtin Ruoŧa Riikkabeaivái
Riikkabeaivi lea alimus mearridanásahus Ruoŧas. Dáppe leat eanet dieđut riikkabeaivvi bargguid birra.
Riikkabeaivvi bargu
Riikkabeaivi lea alimus mearridanásahus Ruoŧas. Ruoŧa álbmot vállje juohke njealját jagi 349 olbmuid geat galget ovddastit sin riikkabeaivvis. Sii geat čohkkájit riikkabeaivvis leat áirasat.
Demokratiija
Demokratiija mearkkaša sullii álbmotstivra dahje álbmotfápmu. Demokratiija vuođđojurdda lea ahte son guhte lea álbmotborgár dahje orro ovtta riikkas sus galgá leat vejolašvuohta ovdanbuktit oaivila riikka stivrema birra. Dábálaččat jeavddalaš válggaid bokte.
Ná ráđđehus ásahuvvo
Ráđđedus lea fámus nu guhká go sis lea doarvái doarjja riikkabeaivvis. Gávdnojit máŋga ágga dasa ahte ráđđehus ferte heaitit ja ođđa ráđđehus dárbbaša ásahuvvot.
Váldde oktavuođa ja fina riikkabeaivvevisttis
Háliidatgo vástádusaid riikkabeaivvebarggu birra dahje fitnat digaštallamis riikkabeaivvegámmáris? Dás leat oktavuođadieđut riikkabeaivái.
Dát lea EU
27 riikka leat miellahtut Eurohpálaš uniovnnas, EU. Ruoŧŧa šattai EU- miellahttostáhta 1b. ođđajagemánus 1995. EU- riikkat barget ovttas máŋga ekonomalaš ja politihkalaš jearaldagaiguin.