Akava tano o EU

27 phuvja tane členia ki Evropakiri unia, EU. I Švedia uli členka ko EU 1:to januari 1995. O EU-phuvja sorabotinena ko but ekonomikane hem politikane pučiba.

O EU-države lena barabar kanunia so važinena ko sa o države soj tane ko EU. O odluke bašo neve EU-kanunia butfar lenape ko Evropakoro parlamenti hem ministerengoro godidejba. Angleder te anelpe i odluka o predsavnikia ko EU- države hem o členia ko Evropakoro parlamenti diskutirindže hem pregovorindže jekhe averea.  

Hem i švedikani vlada hem o parlamenti deluinena ki buti lejbaske hem primenibaske o EU-kanunia.

Ki Švedia i vlada, o parlamenti hem o organ uprave dikhena te sprovedinenpe o EU-kanunia. 

Sar državjani ki Švedia šaj te utičinelpe ko EU- sorabotiba prekal o členia kaske glasindžape ko izboria bašo parlamenti hem bašo Evropakoro parlamenti, ja formiribaja javno misliba ko aver čani.

Hakia sar EU:re državjania

Odova manuš soj tano državjani ki jekh EU-država isto tano uniakoro državjani ko EU, kaske vakerelape EU-državjani. Odova dela hakia. EU-državjani šaj ko misal:

  • glasinela političarenge so ka bešen ko Evropakoro parlamenti
  • slobodno džala ko drumo ja kjerela buti hem studurinela ko avera EU-države
  • dobinela pomoč tari aver EU -državakiri ambasada pri džajba drumo ko phuvja avrialdan taro EU.
  • bičhalela e-pošta ja lil ko EU:re institucie ko disavo tari e EU:ri oficialnikani čhib, ko misal švedikane
  • sikljovela e EU:re kanunia hem dokumentia ki pli čhib
  • žalinelape ko EU:ro zastupniko te smatrinela so sine pogrešno tretirimo tari jekh EU – istitucia.

Akava kjerela o EU

I Švedia hem avera phuvja sorabotinena ko ekonomikane hem politikane pučiba kote so ola smatrinena so barabar šaj te anen pošukar rezultati nego so ka kjeren korkori. Ekonomikano priraštaj, baro butidejba hem postojano razvoj ko EU-phuvjengere barabarikane, andruno pazari tane disave taro e sorabotibaskere cilia.

O osnovno pravilia e EU-sorabotibaske tane hramome ko ugovor, so akharelape sporazum.Ko sporazum opišinelape so o EU šaj te odlučinel hem sar odova ka sprovedinelpe. O sporazum šaj te usporedinelpe e osnovno kanunencar ki jekh država. Sa o EU- države priznaindže o sporazum hem ka primeninen olen.

EU-države sorabotinena ko misal baši

  • Trgovia
  • Regionalnikano buvlipa
  • Potpora bašo zemjodelstvo
  • Nauka
  • Energia
  • Ekološko pučiba
  • Trudo protiv krivično delia
  • Politka bašo našutne

Akava na kjerela o EU

O EU-države korkoro tane odgovorno bašo but pučiba, diso so o EU na odlučinela. Disave misalia tane e prihodeskoro porezi, sastljaribaskoro arakhiba, škola, penzia hem čhavengoro dodatok.